強力Bs打怪獸

過左一歲之後，每個月的變化已經無以前咁大，

但仍然見佢每日學多少少，

每日長大少少！

每晚見到佢笑仍然覺得好幸福～

開始發現Ryder 好似比其他小朋友肢體學習上慢少少，

雖然未至於落後於正常標準，

但對比身邊的人，作為大哥哥的Ryder似乎無其他人咁快。

就我地觀察，這樣是由於Ryder非常小心，

基本上佢要肯定安全先做，

例如佢想行去另一邊，佢一定座低個身，

扶到另一條柱先再行動。

這種格令到佢仍然未敢放開我隻手自己行。

但拖住佢，佢已經行得好稳，亦都識得上落樓梯。

因為咁，我亦開始感受到壓力，

當去完大圍聚會，就會開始在意Ryder未做到的事。

不斷提醒自己佢一路進步緊，

亦都無落後於正常標準。

慢慢明白點解會有怪獸家長，

原來要堅持自己所信有時好難！

要記住令Ryder健康快樂咁成長！

出去聚會BB們開始有交流。

識得望鏡，認得自己。

無啦啦又發燒。

粒狀的食物都自己拎起食。

 最新玩伴。

 識得玩多好多野。

又過左聖誕同新年，

出左尖咀睇燈飾。

成長情況：

- 早晚二餐奶，有時晚餐食得晏都可以不用飲夜奶，

  一星期有一半時間2點幾起身飲夜奶

- 開始會食出面的通粉，最經常食大快活淨通粉，

  鐘意有坑紋果種通粉

- 去多左政府室內遊戲室，又方便又好玩

- 出左好多牙，但刷唔乾淨，有牙漬

- 發音多左，成日babababa